Ge Er di WC


GEUNING, ari toilet alias WC di Mall mah sok ngajejer pagigir-gigir. Jadi lamun nagog teh sok kadangu “euh!” di nu sabeulah. Hal ieu alatan ku padeukeutna rohangan WC tea.

Ieu pangalaman teh kaalaman ku Kang Oding, urang dusun nu jauh ka bedug. Hiji waktu manehna ulin ka mall, Na atuh, sabot keur jalan-jalan….. karasa beuteungna ngulibek hayang ‘setor’.

Manehna culang cileung waktu asup ka toilet nu jumlahna aya kana 3 rohangan mah. Rohangan kahiji aya nu ngeusian, katingali pantona nutup. Atuh blus wae manehna ka rohangan WC nu kadua, anu kosong.

Sabot nagog, di rohangan WC gigireun aya nu ngomong.

“Kumaha cageur euy?”

Bari anteng cingogo, Kang Oding ngahuleng sakedapan. Antukna manehna ngajawab.

“Sae!”

“Kumaha kulawarga di lembur sarehat?” nu di gigireun naja deui.

“Sehat wal afiat!” Kang Oding ngajawab deui.

“Budak nu paling gede geus kelas sabaraha?” tanya nu di gigireun.

“Tos kelas 5 SD” jawab Kang Oding bari ngeden.

“Si Aang Codet cenah maehan deui jelema kamari? Untung uing mah kabur euy!! Cukup sakali we ngarogahala jelema mah!”.

“Duka tah teu terang. Naha saha ari Aang codet teh?”

Jempling sakedapan. Kadenge deui sora di WC gigireun di barung ku sora cai nu digolontorkeun.

“Niw, telpona ditutup heula nya?! Engke uing nelpon deui. Ieu gigireun uing aya jelema cipleuk! Ti tatadi nimbrung bae. Ke ku uing kudu dikepret heula geura! Kesel uing mah……. ti tatadi asa dilelewean!”.

Kang Oding langsung pias. Cingogo luhur pamiceunan teh ayeuna mah dibarung ku kaluarna kesang tiis. Sugan teh ngajak ngomong ka manehna. Beu, palias! kaluar ti WC teh aya bahan disiksa.***

3 Balasan ke Ge Er di WC

  1. nani mengatakan:

    Cuma satu kata ….. “panuju” hehehe

  2. Ani Yunaningsih mengatakan:

    nembe terang geuning kang aang teh codeeettttt

  3. Neni Yuhaenah mengatakan:

    Meujueuhna we keur nu sayong mah . . . ku hoyong terang carios saatosna kaluar ti WC

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: