1000 Ciuman


KIWARI  zaman keur serba susah. Harga BBM naik, sagalana naek, akibatna loba kajadiaan PHK di sababaraha perusahaan. Salah saurang nu keuna PHK teh Jang Oding. Bulan ieu manehna teu bisa ngiriman duit keur risiko bojona di  lembur. Manehna ngan saukur bisa ngirim surat nu unina kieu:

Enung, pamajikan akang,

Akang menta maaf, bulan ieu teu bisa ngiriman duit keur risiko Enung jeung barudak di lembur. Wayahna akang ngan saukur ngirim ieu surat bari nitipkeun kasono akang mangrupa 1000 ciuman.

Nu mikasono,

– Kang Oding –

Saminggu ti harita, Jang Oding narima surat balesan ti bojona:

Kang Oding nu dipicangcam,

Hatur nuhun kana kiriman 1000 ciuman anu parantos katampi. Kanggo sasih ieu abdi nguningakeun wireh risiko kulawarga tos tiasa ditekel ku cara sapertos kieu:

–       Tukang minyak sanggem nampi 2 ciuman tiap meser  5 liter minyak tanah.

–       Tukang kiridit kersa dibayar ku 4 ciuman per tanggal 10 tiap sasih.

–       Nu ngagaduhan kontrakan kersa dibayar nyicil ku 3 kali ciuman tiap dinten.

–       Si Engkoh toko sembako teu kersaeun dibayar ku ciuman. Anjeuna mah palayna dibayar ku cara sanes….. nya kapaksa ku abdi teh dipasihan.

–       Nya kitu deui cara sapertos ka Si Engkoh teh dipasihkeun deui ka kepala sekolah sareng guruna si Udin nu tos 3 sasih nunggak SPP.

–       Dinten Salasa minggu ayeuna abdi bade ka pagadean ngalironkeun 200 ciuman kana artos tunai, margi petugas pagadean tos sanggem ngagentosan 200 ciuman ku artos Rp. 650rebu, lumayan kanggo risiko sasasih

–       Kanggo keperyogian abdi nyalira dina sasih ayeuna diperkirakeun cekap ku ngalironkeun 50 ciuman.

Kang Oding nu dipikasono, sasih ieu mah abdi teh ngaraos janten jalmi nu pangbeungharna di lembur, margi abdi masih ngagaduhan tagihan tina ngalironkeun ciuman ka sababaraha urang, diantawisna Kang Uyeh sareng Kang Aniw nu teu acan malayar. Jangjina mah di awal sasih mayarna teh.

Kang, masih aya sesa  125 ciuman tinu parantos dikintun ku akang, manawi akang gaduh ide kanggo nyalurkeunana? Atanapi ditabungkeun wae?

Baktos abdi,

-Onah-

Gubrag!!! Jang Oding ngajengkang kapiuhan.***

3 Balasan ke 1000 Ciuman

  1. ani yunaningsih mengatakan:

    kang aniw sareng kang uyeh bayar atuh ka nyi onah maenya gaduh sametan teu dibayar mah!!!!!!!!!!!!!! aya nya nu model kitu!!!!!!!!!!!!

    • Uyeh mengatakan:

      Ih…ari Ani, Aniw anu boga hutang ka nyi Onah mah ! Uyeh mah teu nganjuk. Rumasa boga hutang teh ngan ka Diana , nepi ka ayeuna acan dibayar. Eta gening waktu nganjuk……na di jero kelas ! Hehehe.

  2. Ani Yunaningsih mengatakan:

    nganjuk naon kang uyeh ka Diana teh? nganjuk Cinta nya…….teras ayeuna teu kabayar ..he..he..he…

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: