Tos Dugi ka Cianjur….


“Pa supir punten ngawiat pun anak pami tos dugi ka Cianjur kade wartosan..!” Ceuk saurang ibu-ibu ka
supir beus jurusan Bandung.
“Mangga bu.. ….nya ibu moal ngiring kitu ?” Tanya supir.
“Moal ibu mah ieu we pun anak..!” Ceuk si Ibu bari ngareret anakna.
” Daag sayang..!”
” Daag mamah…!” budakna ngajawab.
Teu kungsi lila beus geus ngadius mapay jalan tol Jagorawi, neupi ka Ciawi si budak teh noel ka supir,
ma’lum diukna tukangeun pisan supir.
” Pa .. ..tos dugi ka Cianjur ieu teh..?”
” Teu acan jang … …tebih keneh …..!
Ceuk supir bari anteng ngagelang stir.
Dasar budak, basa beus ngahaeub ka Cisarua geus celengkeung deui nanyakeun..” Pa tos dugi ka
Cianjur…?”
” Encan jang….!” Supir rada molotot.
Budak ngahephep sieuneun ari dipolototan mah, neupi ka Ciloto katingali budak geus sapokpokeun nek nanya deui, ngan kapiheulaan ku supir.
” Hayoh nek nanya deui…?” Ceuk supir buncelik.
Teu karasa beus geus neupi ka wilayah Cipanas….budak anu titadi sok nanya terus, ayeuna jempe sihoreng budak teh sare mani tibra pisan, kitu deui penumpang nu sejenna pating galuher…ngan anu teu ngaguher teh pa supir.
Renjag …..supir ngarenjag reuwas basa beus teu karasa geus nepi ka Padalarang. … ras inget kapapatah si Ibu mani omat-omatan lamun geus nepi ka Cianjur kudu di bejaan eta budak teh.
…..
Reg beuss teh eureun, terus supirna ngomong ka para panumpang yen aya panumpang kaliwat turun,
kaparengan panumpangna ibu-ibu teu loba rewel beus anu geus neupi ka Padalarang ngadius balik deui nuju ka Cianjur …..anu dianteurkeuna mah jongjon wae ngaguher…… keun we lamun geus nepi ka
Cianjur karek dihudangkeun.
” Jang tos dugi ka Cianjur..!” Ceuk panumpang gigireunana ngahudangkeun budak.
” Aduh tos dugi..!” Ceuk budak bari gura giru muka bungkusan anu eusina obat cacing, leguk diinum.
” Jang dimana lungsurna…?” Supir mimiti keuheul, lantaran budak teh lain turun kalahka nginum obat
heula.
” Har ari bapa, pan karek dugi ka Cianjur, nya biasa atuh lungsur mah di terminal Leuwi Panjang! ” Ceuk
budak kalem.
” Jadi di Cianjur lain nek turun ?”
” Sanes……saur mamah pami tos dugi ka Cianjur ieu obat kedah di leueut, sakali deui engke pami tos dugi ka Bandung !” Budak nerangkeun pertentang.
” Jadoolll !” Ceuk supir ngajejek gas.. ….dius beus balik deui nuju ka Bandungkeun. ***

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: