Tetela Sangu teh Ngabahayakeun


HASIL panalungtikan nu nembe dilaksanakeun ku admin millist smansalingga82 ngabuktoskeun yen tuang sangu teh matak ngabahayakeun kanggo urang sadaya. Buktosna:

1. Sangu NGABALUKARKEUN KACANDUAN (matak nyandu).
Responden dina ieu panalungtikan nu teu tuang sangu sadinten sadayana ngaraos kalaparan sarta kumerod miharep tuang sangu.

2. Ampir SATENGAHNA jumlah murid sakola di Indonesia anu tuang sangu ngagaduhan nilai dihandapeun rata-rata kelas.

3. AMPIR 99% KAJAHATAN kajadianana aya dina waktos kirang ti 24-jam saparantos nu ngalakukeunana nuang sangu.

4. Karuhun urang dina zaman batu nu teu pernah tuang sangu, tetala TEU PERNAH ngarandapan keuna ku panyawat tumor, Alzheimer, osteoporosis, atanapi Parkinson.

5. Dokter ngalarang orok nu nembe lahir tuangna dipasihan sangu. Hal ieu netelakeun yen sangu teh ngabalukarkeun kamudaratan nu tos dibuktikeun ku elmu kadokteran.

6. Sangu garing atanapi basi sok didahar ku hayam. Tah kukituna, urang kedah curiga timana asalna panyawat flu burung.

7. Jumlah jalmi nu tuang sangu di Indonesia langkung seueur dibandingkeun sareng jumlah nu tuang sangu di nagara-nagara nu tos majeng. Hal ieu nandakeun yen salah sawios alatan nagara urang kirang majeng jalaran seueur rahayatna nu nuang sangu.

8. Di warung-warung, biasana KULI nuang sangu urugananan langkung seueur tibatan eksekutif. Hal ieu ngabuktoskeun yen nuang sangu teh tiasa NURUNKEUN kamampuan ekonomi urang sadaya.

9. Tuang sangu tiasa ngabalukarkeun hanaang alias NYEREPAN cai. Padahal awak urang teh seuseueurna dicipta tina cai.

10. Dina sababaraha kondisi, tuang sangu tiasa NINGKATKEUN risiko nemahan pati. Contona tuang sangu bari nyetir mobil.

11. Nu ngarandapan panyawat DIABETES langkung dianjurkeun nuang kentang tibatan sangu. Hal ieu netelakeun yen sangu teh kirang sae kanggo kasehatan.

13. Sangu ngandung ZAT BESI nu konf elektron pang luarna 4s2. Zat sanes nu elektron pangluarna 4, diantawisna Racun ARSENIK (4p3), Batu batere TITANIUM (4s2), sareng racun nu nyerang Superman nyaeta KRIPTON (4p6). Hal ieu netelakeun yen sangu teh ampir sami sareng zat-zat ngabahayakeun nu nembe disebat.

14. Kitab suci (samawi) henteu pernah nyebat-nyebat perkawis sangu. Para Nabi oge teu nuang sangu. Kalihna ti eta sangu sanes barang anu dianjurkeun ku agama, janten kaabsahan dina ngagunakeunana teu acan tiasa dipastikeun.

15. Sangu DIKUKUS dina suhu langkung ti 100 derajat Celsius. Eta suhu panas teh cekap kanggo mateni jalmi.

2 Balasan ke Tetela Sangu teh Ngabahayakeun

  1. Aang mengatakan:

    Sanes dupi admin tuangna naon nya? Batu kitu?

  2. Ani Yunaningsih mengatakan:

    sigana admin mah teu tuang sangu kang tapi tuang toong kana boboko wadah kejo …hohoho….

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: