Rusiah “Kagagahan” Raja nu Ngagaduhan 45 Garwa


DINA jaman kiwari, seueur pameget anu agul ku kahebatanana ulin “maen po” di luhur ranjang. Malah aya nu dugi ka ngangken (punten) tiasa sapatemon sareng garwa dugi ka 7 kali sawengi. Duka teuing tah leres henteuna mah. Mun dina leresna oge, ampir tiasa dipastikeun nganggo suplemen kanggo nambihan daya tahan ereksi. Sareng deui eta pameget tangtos ngagaduhan istrina teh teu langkung ti 10 urang, margi numutkeun data kiwari, nu kacatet ngagaduhan istri 9 urang mung hiji pameget urang Pemalang Jawa Tengah. Kahebatan pameget jaman ayeuna moal aya nu tiasa ngelehkeun raja Kasunanan Surakarta (Solo) anu ngadeg janten raja di taun 1893-1939 nyaeta Sampeyan Dalem Ingkang Sinuhun Kanjeng Susuhunan (SISKS) Pakubuwono X.

Di lingkungan kulawarga karaton Solo jeung Yogyakarta, raja Surakarta nu ka 10 ieu, lintang ti bijaksana dina ngatur pamarentahan sareng bumela ka rahayatna, oge kaceluk hiji-hijina raja terah Mataram nu pang seueurna ngagaduhan garwa. Cobi bayangkeun, jumlah garwana teh 45 urang sareng ngagaduhan putra jumlahna 68 urang. Hag siah!

Nanging dina mangsa harita, mantena tiasa ngatur wirahma biologis diantawis para garwana. Salaku raja anu bijaksana, sadaya garwana ngangken sugema kana “kagagahan” Sinuhun Pakubuwono X.

Naon atuh saleresna anu janten rusiah “kegagahan” Sinuhun Pakubuwono X teh? Numutkeun katerangan ti buyut Sinuhun Pakubuwono X, Raden Sumitro, dina jaman karajaan harita teu aya nu namina obat suplemen. Nanging, raja-raja di Jawa, khususna Sinuhun Pakubuwono X, ngagaduhan resep kusus kanggo “nyugemakeun” garwa-garwana anu seueurna 45 urang. “Tah eta the aya pakuat pakaitna sareng mitologi,” saurna.

Naon atuh resepna ? Saestuna gampil pisan, nyaeta ku cara ngalembutkeun 40 girintil pedes (merica), 40 lambar daun seureuh sareng 40 bawang lanang anu dikulub teras disaring. Cara ngalembutkeunana, teu kenging diblender atanapi ditumbuk. Tapi kedah direndos nganggo cowet sareng mutu (luludek) tina batu. Saparantosna lembut, teras diibunkeun sawengi lajeng dileueut. Kanggo ngajaga perkawis eta “kagagahan” teh, numutkeun Sumitro anu ayeuna linggih di komplek kadipaten Pakualaman Yogyakarta, ngaleueutna saminggu sakali. Sumanga bilih aya nu bade nyobian. Tarik Mang…….****

4 Balasan ke Rusiah “Kagagahan” Raja nu Ngagaduhan 45 Garwa

  1. Agus Kusnawan/ Aniw mengatakan:

    lain kumaha ngatur waktunanya… pan sabulan teh paling loba ge tanggal teh nepi ka 31. Teuin lamun aya nu off.

    • smansalingga82 mengatakan:

      Kang Aniw, saleresna mah aya nu langkung luar biasa. Almarhum H. Karya di Cikampek, anu ngagaduhan RS Karya Husada sareng mangpuluh-puluh pom bengsin di antawis Cikampek dugi ka Tegal. Tah dina taun 1996, pribados kantos tepang sareng mantena di Ciberes. Harita anjeuna tos gaduh istri 49 sadayana dinikah ti parawan. Atuh putrana harita tos 92. Malih kadangkawis anjeuna sok bingung upami aya putrana nu mundut diwalian, malah sok naros heula “ieu teh putra ti saha?” kitu patarosanana teh. Bet kaleresan anjeuna teh aslina ti Sumedang. Tah pribados kantos ngobrol dugi ka ngeceskeun rusiahna. Bilih Kang Aniw minat, mangga telpon bae pribados. Teu raos upami dibahas di dieu mah, pan aya RUU anyar perkawis Peradilan Agama.

  2. n.andri mengatakan:

    Kang admin teu kenging jadi profokator atuuuuh.

  3. Ani Yunaningsih mengatakan:

    teh nani urang mah tong ngiringan keun we para pameget nu ngabahas eta mah nya!!!!!!

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: