Tahu Sumedang


TAHU Sumedang nyaéta tahu nu asalna ti Sumedang, Jawa Barat. Tahu ieu biasana digoréng nepi ka rada garing, semu coklat, tur asin. Cocog lamun didahar jeung lontong. Sanajan asalna ti Sumedang, tahu ieu kiwari geus loba dijieun di wewengkon lianna di Indonésia.

Tumuwuh jeung nanjeurna industri tahu di Sumedang, teu leupas tina peran para warga katurunan anu kacatet dina sajarah salaku lulugu tukang nyieun tahu nu dibawa ti nagara asal maranéhna. Lulugu tukang nyieun tahu Sumedang, diantarana nyaéta Ongkino, Bungkeng, Ong You Kim (Ukim), Ko Aniw, Ko Lento, Ko Jung Gong, jeung Babah Hek. Kadaharan asal nagara wide (pinding awi) teh dingaranan Tou Fu.

Cenah mah, tahu Sumedang téh dimimitian tina kréativitas bojona Ongkino, bibit buit nu boga pokal nyieun Tou Fu Cina anu ayeuna ganti ngaran jadi “Tahu”. Mangtaun-taun, Ongkino jeung bojona terus ngulik pakasaban kana tahu. Nepikeun ka kurang leuwih taun 1917, anak tunggal ieu psangan, Ong Bung Keng nyusul ka Sumedang. Bung Keng terus neruskeun usaha kolotna nepikeun kaduana milih balik deui ka naara asalna di Hokian, Cina.

Ngaliwatan alih generasi, Ong Bung Keng, anak tunggal Ongkino, tuluy neruskeun usaha anu diwariskeun ti dua kolotna nepi ka maotna di yuswa 92 taun. Di sagedengeun kakoncarana Tahu Sumedang aya carita anu rada mistik, kawas nu dicaritakeun ku incu Ongkino, Suryadi. Kira-kira dina taun 1928, cenah hiji poé tempat usaha aki buyutnya, Ong Bung Keng, didatangan ku Bupati Sumedang, Pangeran Soeria Atmadja anu pareng ngaliwat numpak dokar dina lalampahan rek ngajugjug ka Situraja.

Sabot nempo si aki ngagoréng tahu, jol aya kapanasaran dina manah Kangjeng Bupati, kadaharan naon anu keur dijieun si aki. Sajaba tina jirimna anu unik, aroma pasakanana ogé ngondang anjeunna geura-giru turun tina dokar pikeun nalek akina anu keur ngagoréng tahu.

“Maneh keur ngagoréng naon?” Bupati tumaros ka si aki.

Ngadéngé éta patarosan, Ong Bung Kéng némbalan pikeun ngécéskeun sabisana, yén manéhna téh keur ngagoréng kadaharan anu di nagara asalna dingaranan Tou Fu. Eta pedaran teh ngajantenkeun kapanasaran kanggo Pangeran Soeria Atmadja, anu teras nyobi ngaraosan eta kadaharan.

Réngsé ngaraosan, Pangeran Soeria Atmadja ngedalkeun kalimah ka Ong Bung Kéng , “Ngeunah geuning tahu téh. Lamun manéh terus jualan, dagangan maneh bakal payu” kedalna bari pinuh ku kasapukan.

Ti saprak harita, komara Tou Fu Cina nu teu dihaja robah ngaran jadi Tahu Sumedang alatan cariosan Pangeran Soeria Atmadja beuki naék. Pon kitu deui, carita datangna Kangjeng Bupati teh gancang sumebar ka sabudeureun Dayeuh Sumedang. Ku alatan cariosan Pangeran Soeria Atmadja, tahu Sumedang jadi hiji kadaharan anu jadi ciri khas Kota Sumedang nu teu dipiboga ku wewengkon séjénna. ***

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: