Cai Duwegan


SAHA anu terang, naon ari duwegan téh? Tah, muhun leres éta, ”kalapa muda” téa. Ayeuna mah seueur geuning diical di sisi jalan. Tapi, ari anu diical di sisi jalan mah tos janten amis pisan, lantaran ditambih ku cai gula. Ari cai kalapa muda (duwegan/dawegan) asli mah rada hambar.
Cai duwegan, horéng ngandung unsur nitrogén anu dijerona mangrupa protéin anu diwangun ku asam amino, saperti alanin, sisitin, arginin, alin, jeung serin. Dibandingkeun jeung asam amino anu aya dina susu sapi, asam amino anu nyampak dina duwegan kandunganana leuwih loba. Lian ti éta, aya ogé unsur karbon dina bentuk karbohidrat, kayaning glokosa, sukrosa, fruktosa, sorbitol, inositol, jeungsajabana. Aya ogé unsur mikro mangrupa mineral nu dibutuhkeun pikeun ngaganti ion dina awak urang. Lantaran kitu, awak urang sok karasa seger lamun tos ngaleueut cai kalapa muda atawa dawegan téa.
Cai dawegan ngandung vitamin C, asam nikotinat, asam folat, asam pantoténat, biotin, jeung riboflavin. Teu matak hélok, lamun cai duwegan sok dimangpaatkeun pikeun bahan ubar tradisional sakaligus bahan kageulisan (kosmétik).
Lantaran dina cai duwegan dikandung pirang-pirang zat anu matak nyéhatkeun awak urang, mangpaatna ogé tangtu baé loba. Di antarana baé pikeun nganétralkeun racun. Lian ti éta, bisa ogé dipaké ubar pikeun ngalancarkeun kahampangan.
Lamun kabeuleum atawa kapétélan barang panas, duwegan bisa dipaké pikeun ngurangan rasa panas. Carana, duwegan dicampuran ku saséndok bubuk konéng jeung cai apu. Saterusna kari ngulaskeun kana bagéan awak anu kakeunaan panas téa. Lian ti panasna bakal leungit, ogé moal aya cédaan, malah moal kungsi melendung-melendung acan.
Panyakit séjén anu bisa dicageurkeun ku cai duwegan nya éta demam berdarah. Carana, duwegan dicampuran ku peresan jeruk nipis, dileueut sadinten tilu kali. Langkung saé lamun dicampuran ku uyah jeung madu.
Cai duwegan dicampuran ku susu, saé pikeun tuangeun murangkalih. Tiasa jadi nyinglar ngadilenna susu dina patuangan, luga, jeung gangguan pencernaan séjénna.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: