Palajaran Basa Inggris


Bu Lia teh guru basa Inggris anu katelah the killer ceuk barudak mah. Barudak awewe mah biasana balageur, beda jeung barudak lalaki nu borokokok. Unggal bade rengse palajaran, anjeuna sok ngetest murid-muridna.

“Ayeuna ibu rek ngetest maraneh ihwal irregular verb, anu bisa ngajawab bener, meunang balik ti heula ! “, saur Bu  Lia.

“Anu teu bisa, nangtung di hareup nepi ka ibu kaluar ti kantor ! “, Bu Lia mere paringatan.

“Neni, sok se butkeun contohna irregular verb !”, Bu Lia naros. “Bring – brought – brought, hartosna nyandak” “Alus….”.

“Cikan Dadan! Tong heureuy bae !”, si Dadan katelah tukang heureuy. “Dag – dig – dug, hartosna abdi teu acan ngadamel PR”. “Nangtung dihareup !”

“Samhari !”,  “Brang – breng – brong, hartosna ema ngambek di dapur alatan teu gaduh beas”, “Nangtung dihareup!

“Beni !”, “Begang – begeng – begung, hartosna siga awak Datuk Maringgih ”, “Nangtung dihareup! “

“Toto !”, “Dar – der – dor, hartosna perang di Irak jeung Palestina”, “Nangtung dihareup!”

“Maskadi !”, “Pak – pik – pek, hartosna abdi beberes di bumi “. “Bohong maneh mah jorok tara beberes, nangtung dihareup!”

“Kosasih !”, “Blag – blig – blug, hartosna si Atun diajar leumpang “. “Nangtung dihareup!”

“Dodi Suryadi !”, “Brak – brik – brek, hartosna awut-awutan”. “Nangtung dihareup! “

“Agus Kusnawan!”, “Plak – plek – plok, hartosna bararahe”.“ Nangtung dihareup! “

“Agus Dani Rohman !”, “Cas – cis – cus , hartosna nyarioskeun batur “. “Nangtung dihareup! Kabeh baralegug!”

“Aang !” .” Ari Si Aang teh budak  geumpeuran, titatadi geus ngahodhod sieuneun ditanya. Ayeuna ditanya pisan ku Bu Lia. Bakating ku geumpeur, ari seduuut …. teh hitut “Brat – bret – brot nyah!?, saur Bu Lia mayunan : ” Kaluar kabeh! “, Bu Lia jamotrot bendu.

Satu Balasan ke Palajaran Basa Inggris

  1. Otih Rostiana mengatakan:

    Eta nu brat brit brut sawan ku Bu Lia teh, teras ngarengkol na meja? Aya-aya wae…. sigana kapungkur jaman putih abu2, teu tebih ti kitu nyaaa……

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: