Tutug Oncom


BUBUHAN kuring mah urang lembur, jadi sasarap gé teu jiga barudak di kota ayeuna. Atuh sakola ogé sakitu ngangkleung jauh bari jeung badarat, taya tutumpakan, mapay-mapay jalan sawah.

Rebun-rebun kénéh Ema geus namplokkeun sangu kana dulang, diakeul. Tah, mangsana sangu diakeul, tangtu nya panas nya ngebul. Katiténan sok dicampuran oncom beuleum beunang ngaréndos. Sambarana ogé teu bangga, ukur uyah, cikur, bawang beureum, jeung céngék sababaraha guluntung. Diréndos dina coét batu rada gedé disakaliguskeun jeung beuleum oncom téa. Saterusna mah nya digalokeun kana sangu dina dulang atawa dina boboko. Tah, kaolahan jiga kitu téh disebutna tutug oncom.

Mun kira aya kénéh waktu, nya sasarap heula di imah. Tapi, mun rada elat sarta bakal kabeurangan, tutug oncom téh sok dibungkus wé ku daun cau, didahar bari leumpang di jalan. Diambéng téa ngaranna téh. Ngan rokaya ninggang leumpang lebah galengan, tampolana sok tigedebut labuh bubuhan tara pati nénjo tincakeun.

4 Balasan ke Tutug Oncom

  1. Otih Rostiana mengatakan:

    matak waas nya kang, pribados oge sami harita rebun2 teh sok dipangnutugkeun ku pun nini, aya oncom, opak, laukna selar atnapi peda dengklang nu digarang na kenteng. Bari siduru hareupeun hawu, nyarap… Kiwari eta TO tos lebet ka kuliner di resto. Tp sigana moal sanikmat tutug di lembur….

  2. Dian Ramdiani mengatakan:

    Aduh…waraas..yeuh..kana tutug oncom padamelan punbiang.muhun Otih…etateh dituangna bari siduru payuneun hawu…oncomna teh oncom pasirengit…sedaaaap.

  3. Neni Yuhaenah mengatakan:

    Nya meureun we tigedebut oge da panginten socana molotot wae kana tutug . . . Uantung keneh teu ngojay dina kotakan ge . . . .

  4. Ani Yunaningsih mengatakan:

    aduh nikmat pisan tutug oncom teh leres teh Dian oncomna oncom pasireungit atanapi tutug opak tapi opakna kedah ti conggeang rrrrraaaoooossssssssss, ngan ulah mapay galengan bilih tigejebur ka solokan!!!!

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: